Entrevista profesorado IESO La Mesta dentro do programa Observacción

Dentro do programa Observacción, tivemos a oportunidade de recibir no noso centro ao profesorado do IESO la Mesta, xunto con dous asesores do CFR. A experiencia foi moi enriquecedora, e fixémoslles unha entrevista na nosa radio. Que a desfrutedes!

Reproducir directamente:

Reproducir con ivoox:

Vaiche Boa! - Entrevista a David Rodríguez Rivada

Queda moi pouco para a estrea do musical "Disneyland de eiquí", por iso no Vaiche Boa entrevistamos a David Rodríguez Rivada, cocreador do musical e profesor de música do Chivite. Todo un home do Renacemento que escribe os libretos, adapta as cancións... Nesta entrevista coñecemos máis a fondo a David e descubrimos que é o que nos queren contar el e Isa con este novo musical. Tedes a oportunidade de asistir ao musical "Disneyland de eiquí" os días 3, 4, 6, e 7 de xuño. Non o perdades! 

Ao final do programa podedes escoitar unha peza do grupo Rock de Cámara no que participa David. E ao rematar a peza...sorpresa!.

Reproducir directamente:

Reproducir con ivoox:

Vaiche Boa! - Entrevista Isabel Cota

Vaiche Boa, o programa de radio máis escoitado de Verín e do mundo enteiro, tivo a oportunidade non só de entrevistar a Isabel Cota, senón tamén de escoitala cantar en directo. Aí queda iso!. Isa é unha cantante excepcional, coautora dos musicais do Chivite e profesora de inglés neste centro. Con esta entrevista coñecímola máis a fondo. E podedes escoitar ao final, en primicia, a canción Aladdin do novo musical. Pero tede conta, que cando remata a canción hai sorpresa...

No programa Isa falounos do clube de lectura A árbore vermella, ideado por Marita, que foi profesora de galego no Chivite, e do que formaban parte, entre outros, Isa, David, Elisa,Víctor, ou alumnas como Marta Nicolino, a súa curmá Lucía Nicolino, unha das PT do noso centro, Marta Rodríguez, e tantos outros rapaces e rapazas.

Este é o blog de Isa no que dá conta do comezo do clube:

Blog Isabel Cota - entrada clube de lectura Á Árbore vermella

 

 

Reproducir directamente:

Reproducir con ivoox:

Vaiche Boa! - Entrevista Aarón Núñez de 2º de Bacharelato

Aquí vai un Vaiche Boa moi especial. Entrevistamos a un alumno que é un fenómeno. Moi querido tanto polo profesorado como polo alumnado: Aarón Núñez, de 2º de Bacharelato. Na entrevista fálanos dos seus proxectos: 3D Art, un servizo de impresión 3D, e Rúas Vivas, unha axenda cultural de Verín. Seguídeo nas súas redes sociais e non vos perdades a entrevista:

Facebook 3D Art

Instagram 3D Art

Facebook Ruas Vivas

Instagram Rúas Vivas

E esta é a axenda Rúas Vivas, esencial para saber o que pasa en Verín:

Axenda cultural de Verín - Rúas Vivas

Reproducir directamente:

Reproducir con ivoox:

Vaiche Boa! - Entrevista profesorado italiano de Acquapendente, de visita Erasmus no noso centro

Este programa do Vaiche Boa foi unha experiencia fabulosa para todas nós. Desfrutamos falando con Tamara, profesora de inglés, e Dario, profesor de Ciencias Naturais. Dous profesores italianos, que dan clases no Liceo Leonardo Da Vinci de Acquapendente (Italia). Falamos da cultura italiana, de como se celebra o entroido alí e de como son as clases en Italia. Pasámolo moi moi ben. Unha xente encantadora!

Il programma Vaiche Boa è stata un'esperienza fantastica per tutti noi. Ci è piaciuto parlare con Tamara, insegnante di inglese, e Dario, insegnante di scienze naturali. Due insegnanti italiani che insegnano presso il liceo scientifico Leonardo Da Vinci di Acquapendente (Italia). Abbiamo parlato della cultura italiana, di come si festeggia il carnevale lì e di come sono organizzate le lezioni in Italia. Ci siamo divertiti tantissimo. Persone adorabili!

Aquí podedes ver o blog do Erasmus do noso centro: https://erasmusiesxesustaboadachivite.blogspot.com/2025/02/2nd-day-explorando-o-mundo-stem-co.html

E unha noticia na Región escrita Carlos L. Montero, redator e amigo do Vaiche Boa:

https://www.laregion.es/verin/jovenes-toscanos-romanos-descubren-pulpo_1_20250222-3421881.html

Non esquezades visitar o instagram do Centro ocupacional de Verín:

https://www.instagram.com/centroocupacionalverin/

Reproducir directamente:

Reproducir con ivoox:

Vaiche Boa! - Entrevista a Paola, alumna do Chivite e árbitra

Neste programa do Vaiche Boa entrevistamos a Paola, alumna de 4º da ESO do Chivite. É árbitra de fútbol e moi querida polo equipo do Vaiche Boa.

Reproducir directamente:

Reproducir con ivoox:

Podcasts de difusión musical, feitos por alumnos de 4º da ESO na materia de Música

Na materia de Música, os alumnos de 4º da ESO están a elaborar podcasts de difusión musical nos que aportan información sobre unha audición destacada no eido da música popular urbana: fálannos do contexto musical no que xorden, das características musicais da audición, do autor e da súa interpretación persoal da audición.

Aquí tedes os podcasts que fixeron Gabriel Guede (sobre "The dark side of the Moon", de Pink Floyd, no rock progresivo) e Mauro Martíns (sobre a canción "Alabama", de John Coltrane, no jazz).

Gabriel Guede - The dark side of the moon

Reproducir directamente:

Reproducir con ivoox:

Mauro Martíns - "Alabama" de John Coltrane

Reproducir directamente:

Reproducir con ivoox:

Vaiche Boa - Entrevista a Víctor Baladrón

O martes 21 de xaneiro entrevistamos no Vaiche Boa a Víctor Baladrón, deputado no parlamento de Galicia e cigarrón desde cativo. Falounos do entroido de Verín, de charangas, capuchóns e mil cousas máis. Que vos guste e viva o entroido de Verín!!!

Reproducir directamente:

Reproducir con ivoox:

Entrevista a Rosa, do Coro A Tempo, que cantou no coro do musical Mil Estrelas

 Alumnas de 1º da ESO C, da materia Proxecto Competencial, entrevistaron a Rosa, do coro A Tempo. Rosa participou no coro do musical Mil estrelas.

Reproducir directamente:

Reproducir con ivoox:

Entrevista a Aitor de 2º da ESO, actor e bailarín no Musical Mil estrelas

O alumnado de 1º da ESO A e B, da materia Proxecto Competencial, entrevistou a Aitor, alumno de 2º da ESO. Aitor participou como actor e bailarín no musical Mil Estrelas.

Reproducir directamente:

Reproducir con ivoox: