Matricúlate no That's English no IES Taboada Chivite

That's English! no IES XESÚS TABOADA CHIVITE (Verín) 

E ti? A que esperas?

Se necesitas sacar o B1, B2 ou C1 de inglés pero non dispós de tempo para asistir a clases con regularidade, esta é a túa opción: matrícula aberta, material didáctico deseñado para que estudes ao teu ritmo desde casa, con acceso á aula virtual (onde hai moitos vídeos e audios que che permitirán mellorar as túas destrezas), uns libros de texto fantásticos e ademais unha clase semanal presencial voluntaria dunha hora e media. A matrícula xa está aberta. O profesorado paga a metade da matrícula se pedimos un certificado que acredite que estamos a traballar (fáinolo a administrativa do instituto sen problema). Se xa estudaches inglés podes matricularte en cursos máis altos (consulta na web https://www.thatsenglish.com) a información que descoñezas, ou pregunta no noso centro á profesora, Isabel Cota)

Ademais do libro de texto e a aula virtual, tamén hai unha aplicación: "That's English! A aplicación para o móbil" Recoméndovos moitísimo que vos descarguedes a aplicación That's English. Se o facedes, no caso de que sexades alumnos/as podedes acceder a ela co voso usuario e contrasinal, e unha vez aí poderedes acceder a artigos, contidos das unidades (de todas as unidades de todos os niveis, non só do voso), a audios etc. É alucinante, e fai moi cómodo escoitar en calquera lugar e momento os capítulos, os listening etc. Merece moito a pena. Se non sodes alumnos/as, podedes acceder igualmente a moitos contidos.

Unha forma máis flexible de estudar inglés ao teu ritmo: preparando as destrezas de comprensión oral e escrita desde a túa casa (libro e materiais da web), e as destrezas de mediación, expresión oral e escrita nunha titoría semanal de asistencia voluntaria.

A matrícula dáche dereito a presentarte a dúas convocatorias da certificación (ordinaria e extraordinaria) na EOI, ademais de acceso a todo o material.

 HORARIOS 

Proba VIA 25/09/24 no IES 16:40h

Clases: Comezan en outubro 

Martes 
16-17:30h B2.1.
17:30-19h B1
 Xoves 
16-17:30h C1
17:30-19h B2.2.

Lugar de impartición : aula de idiomas do instituto.

Neste audio, a profesora do That's English do Chivite explica todo o que precisas saber. E ademais, algúns alumnos e alumnas do curso pasado comentan como foi a súa experiencia.

Non sigas esperando, anímate!

Radio na Biblio - xuño 2024

Neste novo episodio de Radio na Biblio, Javier de 2º de Bacharelato, o noso condutor preferido, despídese da Radio para iniciar a súa nova andaina universitaria. Martina e Ana de 4º da ESO cóntannos a súa experiencia como embaixadoras da Unión Europea e da viaxe a Barcelona que fixeron a través do programa TEI. Javi entrevista a Carol, intérprete de signos no Chivite, que acaba de sacar o seu libro de poemas "A poética dos vimbios". Nouhaila e Doha de 2º da ESO falan do Club de Lectura Fácil da Bibliochivite, e do libro "Os sete días no lago". Finalmente, Alisha comenta algunha das súas lecturas favoritas deste ano. Agardamos que vos guste!

Pílulas de lecturas comentadas polo alumnado da materia Literatura Galega do Século XX e da Actualidade

O alumnado da materia Literatura Galega do Século XX e da Actualidade analiza distintas obras literarias.

Critikcast: O Podcast no que desmontamos noticias falsas - capítulo 2 - violencia de xénero

Critikcast é un podcast feito por alumnado de 2º da ESO A, da materia de Proxecto Competencial, no que desmontan noticias falsas que circulan polas redes sociais, neste capítulo ao redor da violencia de xénero: negándoa, minimizándoa e espallando ideas falsas ao respecto. Estas noticias falsas fan que moitas mulleres non se atrevan a denunciar os maltratos que sofren por medo a que non as crean.

Podcast de 2º e 3º da ESO - materia Lingua Galega

Leire, Pedro, Nuno, Nadia de 3º da ESO fálannos do entroido: das mostras de teatro popular itinerante e os verseados do Entroido.

Emma, Brais, Álvaro e Raúl fálannos do libro "As alumnas", de Paula Carballeira

Ayman e Badir de 2º ESO falan de Subnormal, unha obra de Banda deseñada, que relata o acoso sufrido por un adolescente no seu instituto, un caso real que viviu o xogador de baloncesto Iñaki Zubizarreta falan de Subnormal, unha obra de Banda deseñada, que relata o acoso sufrido por un adolescente no seu instituto, un caso real que viviu o xogador de baloncesto Iñaki Zubizarreta

David e Alex comentan tamén a obra de banda deseñada Subnormal

Uxía, Mariña, Xoel e Zaira de 2º e 3º da ESO comentan o seu libro de lectura común, “Curros e Holmes”, un libro de aventuras que relata o periplo de Curros Enríquez na Inglaterra do Séc. XIX, onde coñece a Holmes, daquela un mozo que quería ser detective e a Marx, ó que lle foi roubado o manuscrito da súa obra, O Kapital

Doha e Nohuaila de 2º da ESO participaron no proxecto de Diversidade que se desenvolveu desde a materia Lingua Galega. Neste caso recadaron os datos da poboación inmigrante de Verín e a súa procedencia.

Entrevista a Carol Fernández, poeta, a propósito da publicación do seu libro "A poética dos vimbios"

Javier Salgado, de 2º de bacharelato, entrevistou a Carol Fernández, poeta que acaba de publicar o seu libro "A poética dos vimbios". Carol é intérprete de lingua de signos no Chivite.

Entrevistas ao alumnado e profesorado francés de Draguignan de visita no Chivite - Programa Erasmus

En marzo visitáronnos alumnos/as e profesoras do Collége Jean Rostand, de Draguignan (Francia). Esta visita está enmarcada dentro do programa Erasmus do Chivite. Alumnado e profesorado responderon a preguntas que se fixeron mutuamente en distintos idiomas.

Aquí podedes ver o blog do Erasmus cas distintas entradas sobre a visita:

Chegada:

https://erasmusiesxesustaboadachivite.blogspot.com/2024/03/chegou-visita-de-draguignan.html

Día 2:

https://erasmusiesxesustaboadachivite.blogspot.com/2024/03/dia-2-cos-nosos-novos-companeiros.html

Día 3:

https://erasmusiesxesustaboadachivite.blogspot.com/search?updated-max=2024-03-23T03:40:00-07:00&max-results=10

Último día:

https://erasmusiesxesustaboadachivite.blogspot.com/2024/03/ultimo-dia.html

E aquí tedes os podcasts das entrevistas:

Martina e Ana de 4º da ESO entrevistan a Noemí Vázquez, capitana da taberna cultural A arca da Noe, en Vilar de Santos

Neste podcast Marina e Ana, de 4º da ESO, entrevistan a Noemí Vázquez, capitana da Arca da Noe, unha taberna cultural en Vilar de Santos. Na entrevista Noe fálanos do seu proxecto Oceanoe, un libro e un disco con 19 temas, no que participan moitas das artistas que nestes anos navegaron na Arca da Noe.

Podedes escoitar os temas na súa canle de youtube:

https://www.youtube.com/@arcadanoe1823

E tedes a info das actividades no seu facebook e na súa web:

https://www.facebook.com/ArcaDaNoe/

https://arcadanoe.gal/

E aquí tedes o podcast:

Critikcast: O Podcast no que desmontamos noticias falsas - capítulo 1 - a chegada do ser humano á lúa

Critikcast é un podcast feito por alumnado de 2º da ESO A, da materia de Proxecto Competencial, no que desmontan noticias falsas que circulan polas redes sociais e que cuestionan a chegada do ser humano á lúa. Agardamos que vos guste!

Podcast sobre acoso feito por alumnado de 3ºB

Neste podcast, alumnos e alumnas do Chivite, 3º da ESO B, da materia Proxecto Competencial, falan do acoso escolar.