Entrevistas a alumnado e profesorado participante no musical La La Land

A continuación tedes unha serie de entrevistas que lle fixemos a distintas persoas que participaron no musical La La Land.

Na primeira entrevista conversamos con David e Isa, os directores do musical.

Esta é a entrevista a Iria, que interpreta a Mia Dolan no musical.

Na seguinte entrevista falamos con Javier e Aaron, que interpretan a Sebastian Wilder no musical. Esta é a entrevista a Tania, Zaira e Noa, maquilladoras do musical, a Daniel, debuxante, e Valeria, cantante e trompetista solista.

A seguinte entrevista foi máxica, con Esther, Lucía e Mauro, actrices e actor no musical. 

 

Nesta entrevista conversamos con Uxía e Rubén, de 3ºB, actores que interpretan a Mia e Keith respectivamente. Impresionante o traballo que fixeron e a capacidade que teñen de analizalo. Moito que aprender deles!. 

E a derradeira entrevista conduciuna Juan Manuel, de 2º da ESO, que conversou con Andrea, María, Nerea e Pedro, actrices e actor no musical, que mostraron unha gran madurez e compañeirismo. 

Tedes información adicional na revista Faíscas:

https://issuu.com/profesortaboadachivite/docs/faiscas_2023_por_paginas/26

Moitas grazas a tódalas persoas que pasastes pola radio. Foi un pracer e un privilexio poder conversar con vós. Serviunos para entender a magnitude do traballo que conlevou facer este musical. Pero sobre todo, amosounos que son necesarias experiencias coma esta que permiten que os rapaces e rapazas sexan mestres e mestras para nós. Sodes un exemplo a seguir. 

Parabéns a todas as persoas que fixestes posible La la land. 

Entrevista a alumnado do IES Taboada Chivite e do IES Gustavo Adolfo Bécquer de Algete (Madrid)

O programa TEI é un programa de convivencia dentro do noso centro, que pretende fomentar a inclusión e favorecer unha convivencia non violenta. Está baseado na tutorización entre iguais. Os alumnos e alumnas 3º da ESO son titores e titoras do alumnado recén chegado ao centro, de 1º da ESO. Para intercambiar experiencias de titoría entre iguais con outros centros, participamos no proxecto Agrupa-Tei. Este é un proxecto enmarcado na Agrupación de centros, no que cinco centros a nivel estatal -entre eles o noso- están agrupados nun proxecto que se chama: “Proyecto emocional de convivencia y bienestar escolar”. Este é o primeiro curso no que se leva a cabo este proxecto e traballouse a Mediación Escolar intercambiando experiencias co IES Gustavo Adolfo Bécquer de Algete (Madrid). Houbo dúas mobilidades: na 1ª alumnado e profesorado de Algete veu a Verín a pasar uns días, e na 2ª fomos nós a Algete. Froito desa primeira mobilidade, César Sánchez, o director do Taboada Chivite, entrevistou a alumnos e alumnas do noso centro e do IES de Algete. Podedes escoitar a entrevista aquí:

E tedes máis información na Revista Faíscas:

https://issuu.com/profesortaboadachivite/docs/faiscas_2023_por_paginas/10

Podcast da materia Imaxe e Son de 2º de Bacharelato

O alumnado da materia Imaxe e Son de 2º de bacharelato do noso centro, participou nunha actividade de innovación educativa impartida por César Sánchez Pampín, profesor e director do noso centro. Esta actividade baseouse na aula invertida, de maneira que o alumnado recibiu coñecementos teóricos sobre formatos de audio, edición e gravación de podcast. Despois da visualización, aplicaron estes contidos e elaboraron dous podcast que podedes escoitar aquí.

O 1º podcast desmonta mitos sobre a violencia de xénero:

Marta Rato · Podcast Violencia De Xenero

O 2º podcast explica en que consiste a King's League:

Podcast sobre cine do alumnado de 3º da ESO B na materia Proxecto Competencial

Ao longo deste curso o alumnado de Proxecto Competencial de 3º ESO B traballou en equipos sobre diferentes aspectos do cine: historia do cine, cine e ideoloxía, cine e literatura, cine marroquí e cine en Verín. Aquí tedes agora en Radio Chivite, para todas e todos vós, o resultado da súa investigación en forma de podcast. Que o gocedes! Viva o cine e viva a radio!

Radio Chivite - Podcast sobre democracia de 4º da ESO A e B

O alumnado da materia Valores éticos de 4º da ESO, dos grupos A e B, fixo dous podcast sobre democracia. O podcast do grupo A fala da democracia en Atenas e do movemento 15M, mentres que o do grupo B fala da orixe da democracia parlamentaria, do liberalismo e da "xeración da rasca" en Portugal. Dous programas ben interesantes.

Agardamos que vos gusten.

Radio Chivite - Programa da Bibliochivite

Programa da Bibliochivite, conducido por Xabier Salgado de 1º Bach, no que alumnos e alumnas nos falan das actividades realizadas na biblioteca e no centro durante este curso.

Radio Chivite - Podcast sobre Medio Ambiente e Sostibilidade dos grupos 3º da ESO B e 3º da ESO C-PDC

Na materia de Educación en Valores de 3º da ESO, cos grupos B e C-PDC, fixemos dous podcast sobre Medio Ambiente e Sostibilidade. A investigación levouna a cabo o alumnado en grupos pequenos. Tratáronse temas como as migracións climáticas, a enerxía nuclear, os eólicos ou a contaminación dos ríos. Nestes podcast fixéronse catro entrevistas. Dúas delas foron a alumnado que padeceu de cerca os incendios en Verín nos últimos anos. Nas outras dúas formuláronselles preguntas sobre o cambio climático a dous profesores de bioloxía do centro.

Temos que agradecer a colaboración de Bilal, Juan Manuel e Brian de 2º da ESO, uns magníficos locutores cos que contaremos máis veces de seguro. 

Agardamos que vos guste. Foi un bo traballo dun equipo de redactores/as e locutores/as estupendo, e o tema é de especial relevancia nestes tempos. No centro, seguiremos traballando e profundando na sensibilización sobre os problemas medioambientais e o cambio climático. 

Aquí tedes os dous podcast:

Radio Chivite - Programa 19 (maio 2022)

  Novo programa de Radio Chivite, a radio do centro IES Xesús Taboada Chivite de Verín, correspondente ao mes de maio de 2022, último programa do curso, no que poderanse escoitar as seguintes seccións, moitas delas expresando a súa despedida desde curso:

* Novas chivitianas: Paula Gago e David Salgado (1º BAC) conducen o programa e fálanos sobre a súa participación na radio e sobre as novas e actividades que se están a realizar no noso centro. 

Podes escoitar a sección aquí 

*Bibliochivite: Uxía Pérez (2º ESO) conduce a locución de toda a actividade producida na Biblioteca do noso centro, e cóntanos como foi a súa experiencia ao fronte da sección. Inclúe os seguintes espazos:

- "Entrevista": Javier Salgado (4º ESO) entrevista a Tessa, leitora de lingua inglesa do noso centro neste curso 2021/22.

- Tania Guerra (2º ESO), responsable da sección "Persoas ilustres de Verín e comarca", despídese de nós dunha maneira moi especial, e recita para nós un fermoso conto.

- "Libros vivos". Neste programa Isabel Cota (profesora de inglés) recoméndanos algunhas lecturas para as vacacións.

- "Bibliotalent", onde o noso alumnado comparte os seus talentos e paixóns. Neste programa Pablo (2º ESO) fálanos do que para el significa o festival de Eurovisión.

Podes escoitar a sección aquí

* Adiviña quen é: Carla Rosas e Sara Xing Moredo (2º BAC) e Miguel González (1º ESO) despídense de nós revelando quen foron os personaxes ilustres do pasado programa.

Podes escoitar a sección aquí

* As nosas dúbidas: Xabi Alonso (2º BAC) despídese recompilando as súas experiencias ao cargo da súa sección e cantando para nós un fermoso tema de despedida. 

Podes escoitar a sección aquí

* Cinema para iso: Martina Dosantos e Ana Gago (2º ESO) despídense empregando filmografía, como en elas é habitual. Neste caso traen as despedidas presentes nos filmes E. T. de Steven Spielberg, e La la land de Damian Chazelle

Podes escoitar a sección aquí

* Nalgún lugar da rede e das ondas: Mariña García (1º ESO) e Lucía Vega (2º ESO) despídense de nós coa catedrática de Lingua Lola Pons falando de saúdos e despedidas na lingua castelá no programa de Ángels Barceló da cadena SER, e co castelanismo "adiós" analizado pola exalumna do Chivite Esther Estévez Casado nun dos seus DígochoEu. 

Podes escoitar a sección aquí

* O recuncho de...: Neste programa fálannos sobre o seu recuncho Isa (profesora de inglés), Abraham (profesor de filosofía), e David (profesor de música). 

Podes escoitar a sección aquí

* Os sons do silencio: Mariña, Valeria, Emma (1º ESO), Uxía e Martina (2º ESO) fálannos do seu blog ossonsdosilencio.wordpress.com, e despídense de nós falando da súa experiencia este curso. 

Podes escoitar a sección aquí

* Os Planetas: música, mitoloxía e astroloxía: nesta sección o profesor de música David Rodríguez Rivada, e o de Filosofía Abraham Rubín, fálannos dos planetas con cadanseu enfoque musical e mitolóxico-astrolóxico, a partir da obra do compositor Gustav Holst. Este mes despídense analizando a obra de Mercurio. 

Podes escoitar a sección aquí

* A entrevista: neste programa entrevistamos ao realizador audiovisual e vocalista da banda de rock galego Zënzar Xosé Bocixa, que veu ao noso centro a presentar o seu documental sobre a música galega contemporánea Barullo. 

Podes escoitar a sección aquí.

PODES ESCOITAR O PROGRAMA COMPLETO AQUÍ

Radio Chivite - Programa 18 (abril 2022)

 Novo programa de Radio Chivite, a radio do centro IES Xesús Taboada Chivite de Verín, correspondente ao mes de abril de 2022, no que se poden escoitar as seguintes seccións :

* Novas chivitianas: Paula Gago e David Salgado (1º BAC) preséntanos as novas e actividades que se están a realizar no noso centro. Podes escoitar a sección aquí

*Bibliochivite: Uxía Pérez (2º ESO) conduce a locución de toda a actividade producida na Biblioteca do noso centro. Inclúe os seguintes espazos:

- "Entrevista": Javier Salgado (4º ESO) entrevista ao escritor Xosé Carlos Caneiro.

- "Libros vivos". Neste programa Alisha (2º ESO) recoméndanos as súas lecturas e Pablo Hernando (2º ESO) un videoxogo.

- "Bibliotalent", onde o noso alumnado comparte os seus talentos e paixóns. Neste programa coñecemos os de Elena Prada.

- "Novas de Verín", onde Diana Calvo (2º ESO) presentaranos algunhas das novas que teñen lugar na nosa contorna.

Podes escoitar a sección aquí

* Adiviña quen é: Carla Rosas e Sara Xing Moredo (2º BAC) e Miguel González (1º ESO) preséntannos as súas pistas para que coñezamos e adiviñemos persoaxes relevantes da nosa sociedade.

Podes escoitar a sección aquí

* As nosas dúbidas: Xabi Alonso (2º BAC) entrevista a Laura Pousada, antiga alumna do Chivite, que está actualmente facendo as prácticas no departamento de Francés con Cristina. Podes escoitar a sección aquí

* Cinema para iso: Martina Dosantos e Ana Gago (2º ESO) convídanos a reflexionar co gallo dos filmes Network, un mundo implacable, de Sidney Lumet, e O show de Truman, de Peter Weir. Podes escoitar a sección aquí

* Nalgún lugar da rede e das ondas: Mariña García (1º ESO) recoméndanos a web anossagalaxia.gal. Pola súa parte, Lucía Vega (2º ESO) recomenda o podcast Curiosidades de la Historia National Geographic. Podes escoitar a sección aquí

* O recuncho de...: Neste programa o profesor de Educación Física Daniel Ortega fálanos sobre a súa paixón: viaxar. Podes escoitar a sección aquí

* Os sons do silencio: Mariña, Valeria, Emma e Esther (1º ESO), e Uxía e Martina (2º ESO) fálannos do seu blog ossonsdosilencio.wordpress.com, onde este mes estiveron a publicar artigos relacionados coa primavera. Podes escoitar a sección aquí

* Os Planetas: música, mitoloxía e astroloxía: nesta sección o profesor de música David Rodríguez Rivada, e o de Filosofía Abraham Rubín, fálannos dos planetas con cadanseu enfoque musical e mitolóxico-astrolóxico, a partir da obra do compositor Gustav Holst. Este mes toca Venus. Podes escoitar a sección aquí

* A entrevista: neste programa entrevistamos á grande música e cantante Najla Shami. Podes escoitar a sección aquí.

PODES ESCOITAR O PROGRAMA COMPLETO AQUÍ

Radio Chivite - Programa 17 (marzo 2022)

Novo programa de Radio Chivite, a radio do centro IES Xesús Taboada Chivite de Verín, correspondente ao mes de marzo de 2022, no que se poden escoitar as seguintes seccións :

* Novas chivitianas: Paula Gago e David Salgado (1º BAC) preséntanos as novas e actividades que se están a realizar no noso centro. Inclúe o traballo coordinado polo EDLG sobre antropoloxía da nosa zona, desta volta con Uxía, Noa e Samuel (2º ESO) falándonos do Arangaño. Podes escoitar a sección aquí

*Bibliochivite: Uxía Pérez (2º ESO) conduce a locución de toda a actividade producida na Biblioteca do noso centro. Inclúe os seguintes espazos:

- "Entrevista": Javier Salgado (4º ESO) entrevista a Delmiro Mateo, autor do libro "O destino do Alazán".

- "Mulleres singulares de Verín e comarca": Tania Guerra e María Dosantos (3º ESO), Nerea Cid, Elena Prada e Andrea Guerra (2º ESO) fálanos de Isabel Barja Núñez, Purificación García Rivera, Marita Oterino , Iolanda Prezado e Mª Paz Delgado.

- "Bibliotalent", onde o noso alumnado comparte os seus talentos e paixóns. Neste programa coñecemos os de Marcos Gómez (2º BAC).

- "Novas de Verín", onde Diana Calvo (2º ESO) presentaranos algunhas das novas que teñen lugar na nosa contorna.

- "Libros vivos". Neste programa Iria (4º ESO) recoméndanos as súas lecturas.

Podes escoitar a sección aquí

* Adiviña quen é: Carla Rosas e Sara Xing Moredo (2º BAC) e Miguel González (1º ESO) preséntannos as súas pistas para que coñezamos e adiviñemos persoaxes relevantes da nosa sociedade.

Podes escoitar a sección aquí

* As nosas dúbidas: Xabi Alonso (2º BAC) entrevista á orientadora do noso centro, Lucía Rúa, e a Nara, antiga alumna do Chivite, que está actualmente facendo as prácticas con Lucía, para preguntarlles sobre todo o relacionado coas probas ABAU . Podes escoitar a sección aquí

* Cinema para iso: Martina Dosantos e Ana Gago (2º ESO) convídanos a reflexionar co gallo dos filmes Xogos de guerra, de John Badham, e O grande ditador, de Charles Chaplin. Podes escoitar a sección aquí

* Nalgún lugar da rede e das ondas: Mariña García (1º ESO) recoméndanos a web ogalego.eu, de Anxo González e Vitoria Ogando. Pola súa parte, Lucía Vega (2º ESO) recomenda o podcast Acontece que no es poco, de Nieves Concostrina. Podes escoitar a sección aquí

* O recuncho de...: Neste programa a profesora de lengua española e literatura Silvia Cid fálanos sobre música e baile tradicional galego. Podes escoitar a sección aquí

* Os sons do silencio: Mariña García, Valeria González, Emma Rodríguez (1º ESO), e Uxía Pérez e Martina Dosantos (2º ESO) fálannos do seu blog ossonsdosilencio.wordpress.com, onde este mes estiveron a publicar artigos relacionados coa guerra. Podes escoitar a sección aquí

* Os Planetas: música, mitoloxía e astroloxía: nesta sección o profesor de música David Rodríguez Rivada, e o de Filosofía Abraham Rubín, fálannos dos planetas con cadanseu enfoque musical e mitolóxico-astrolóxico, a partir da obra do compositor Gustav Holst. Este mes toca Marte. Podes escoitar a sección aquí

* A entrevista: neste programa entrevistamos a A Banda da Loba, grupo de música feminino que mestura música tradicional, rock e blues. Podes escoitar a sección aquí.

* A canción: escoitamos "Pepa" de A Banda da Loba. Podes escoitala aquí.

PODES ESCOITAR O PROGRAMA COMPLETO AQUÍ